Athletic Club Fundazioak Udako Campusean izena emateko epea ireki du, 6 eta 14 urte bitarteko haurrei zuzendua
Fundazioak 2022ko Udako Campusa jarri du martxan eta izena emateko epea asteazken honetan, maiatzak 18, hasi da. Udako Campusa Lezamako kirol-instalazioetan egingo da, bost txandatan, astelehenetik ostiralera, ordutegi trinkoan: 09:00etatik 14:00etara. Fundazioko “Club Athletic” kideek eta bazkideek % 10eko deskontua izango dute. Lekua mugatua da eta izen-ematea HEMEN egin daiteke.
Bost txandak honako hauek dira:
- TXANDA: ekainaren 27an, 28an, 29an, 30ean eta uztailaren 1ean.
- TXANDA: uztailaren 5, 6, 7 eta 8an.
- TXANDA: uztailaren 11, 12, 13, 14 eta 15ean.
- TXANDA: uztailaren 18, 19, 20, 21 eta 22an.
- TXANDA: uztailaren 26, 27, 28 eta 29an.
Prezioak honako hauek dira:
1., 3. eta 4. TXANDAK (5 egun) 225 €
- eta 5. TXANDAK (4 egun) 199 €
Jokalari batek txanda batean baino gehiagotan izena emateak deskontu proportzionala ekarriko du, % 10eko gutxieneko deskontutik hasi eta % 30era arte, izena ematen duen txanda-kopuruaren arabera.
Udako Campusaren jarduerak parte-hartzaileek gozatu eta ikasteko daude pentsatuta. Hainbat jarduera burutuko dira: Athletic Clubeko jokalariekin egoteko aukera, ingurumen eta nutrizio arloko tailerrak, eta Athletic Cluben balioen araberako prestakuntza. Informazio gehiago HEMEN
