Fundazioak deialdi bat ireki du, desgaitasun fisikoa duen pertsona batek Lisboan 2021eko urriaren 10etik 17ra egingo den prestakuntza-ikastaroa egin dezan
Athletic Club Fundazioak beka deialdia zabaldu du urritasun fisikoa duen pertsona batek Football for All Leadership Programme izeneko ikastaroa egin dezan. Integrated Dremas irabazi asmorik gabeko erakunde portugaldarrak sustatutako ikastaroa da, eta bereziki pentsatuta eta diseinatuta dago desgaitasuna duten pertsonentzako futbolaren munduan enplegua, ekintzailetza eta networkinga sustatzeko.
Integrated Dreams lankidetzan aritzen da futbolaren munduko erreferentziazko erakundeekin (FIFA, UEFA, Centro de ACCESO al Futbol en Europa – Cafe, Johan Cruyff Fundazioa, Portugalgo Futbol Federazioa, Arsenal Fc eta SL Benfica) eta gizarteratzean esperientzia duten erakunde akademiko nagusiekin (Nova SBE eta AISTS Lausanne). Ikastaroa Lisboan izango da, 2021eko urriaren 10etik 17ra, eta, prestakuntza jaso ondoren, Athletic Club Fundazioarekin lotutako proiektu bat ezartzeko 7 hilabeteko epea irekiko da. Proiektu hori Londresko Emirates Stadiumean graduazio-zeremonia batekin amaituko da 2022ko ekainean.
Baldintzak eta epeak
Eskatzaileek adinez nagusiak izan behar dute, desgaitasun fisikoa egiaztatzen duen ziurtagiri bat izan behar dute eta ingelesaren ezagutza aurreratua izan behar dute.
Era berean, mezu elektroniko bat bidali beharko dute i.oleagagoitia@fundacionathleticclub.eus helbidera, izen-abizenak eta harremanetarako telefonoa adieraziz eta ikastaroa zergatik egin nahi duten azalduz. Gizartearentzako proiektu batean parte hartzeagatik duten konpromiso soziala eta ekimen pertsonala baloratuko dira.
Azkenik, NANaren fotokopia bat eta desgaitasun fisikoaren ziurtagiria aurkeztu beharko ditu.
Eskaerak bidaltzeko epea gaur, abuztuak 3, hasi eta irailaren 10era arte egongo da zabalik, biak barne.
Associação Integrated Dreams-i buruzko informazio gehiago HEMEN
Athletic Club Fundazioaren beka
Bekaren barruan sartzen dira: ikastaroaren matrikula, Bilbo/Lisboa joan-etorriko hegaldia, 4 izarreko hotelean 7 gau Lisboan, 7 gosari, 6 bazkari, 2 afari, garraio irisgarria Lisboan (aireportua-hotela-aireportua eta hoteletik eskolak ematen diren leku guztietara), nazioarteko hizlariekin eskolak (erakunde laguntzaileenak), tutoretzak zazpi hilabetez tokiko proiektua garatzeko, eta kirol arloko lana bilatzeko laguntza ikastaroaren antolatzaileen eskutik.
