Javi Luke Athleticeko jokalari ohiak, Fundazioaren izenean, Nuriari eman dio Garapen Iraunkorrerako Erronkak lehiaketako irabazlearen saria. Iraileko erronka Hondakinen Berrerabiltzeari buruzkoa zen. Zakarrontzira joan beharrean bigarren bizitza izan duten objektuen artean, Nuriak palet batekin sortu zuen altzariaren argazkia izan zen irabazlea. Ondo margotua eta apaindua, paleta, orain, etxeko sarreran zapatak uzteko altzari abegikorra da. Bere kamiseta irabazlean, Nuriak #NastidiplasticBizkaia leloa jartzea erabaki du. Bestalde, Ibaik, Fundazioko jarraitzaileei zuzendutako sorpresa sariaren irabazleak, lehen taldearen kamiseta bat eta birziklatze ikastaro bat (COLOREART tailer artistikoak emandakoa) jaso ditu, esne brick batekin eta kartoizko biribilki batekin egindako suziriari esker.
Urriko Garapen Iraunkorrerako Erronkan parte har daiteke oraindik, oraingo honetan Biodibertsitatearen garrantzian oinarrituta. Edonork parte har dezake. Oso erraza da: Egin zure inguruan ezagutzen duzun biodibertsitatearen adibide baten argazkia (zure etxetik gertu dagoen parke batean, mendian, hondartzan…), jarri izenburua eta kontatu zein animalia- edo landare-espezie agertzen diren. Hori guztia erraz egin ahal izango duzu gure lehiaketako inprimakia betez. Parte hartzeko, klikatu HEMEN eta lagundu mundua leku hobea bihurtzen. Eta gogoratu, Athleticen kamiseta bat irabazteko aukera izango duzu eta, gainera, Fundaziozalea bazara, hau da, CLUB ATHLETICeko kidea, ezusteko sari berezia irabazteko aukera izango duzu.
