AC CAMPUSek edizio berezi batekin ireki ditu udarako izen-emateak: AC Campus Txapeldunak. Zazpi txanda, goizez eta arratsaldez joateko aukera, atezainentzako modalitate esklusibo bat, Lezamako egoitzan lo egiteko aukera eta denboraldi honetan Athleticek irabazitako 25. koparekin lotutako ezusteko ugari izango ditu udako campus honek.

Athleticek 2008 eta 2017 urteen artean jaiotako futbolari gazteak hartuko ditu, esperientzia zuri-gorri ahaztezin batez goza dezaten eta ekainaren 24tik abuztuaren 9ra bitartean aukeratutako txandetan benetako lehoiak bailira entrena dezaten.

Gainera, lehenengo lau txandetan campusera joaten direnek instalazio zuri-gorrietan bazkaltzeko eta arratsaldean jarduera osagarriak egiteko aukera izango dute, hala nola hondartzara, mendira eta bestelako jarduera turistiko eta ludikoak egiteko.

Nobedade gisa, Lezamara hurbiltzeko AC CAMPUSen autobus zerbitzua, San Mamesetik ez ezik, Getxotik eta Leioatik ere iritsiko da, lehen hiru txandetako parte-hartzaileentzat.

AC Campus Txapeldunak ongietorri-pack bat emango die partehartzaile guztiei. Pack horrek Athleticen 25. kopa ospatzeko bi kamiseta berezi ditu, Gabarra eta guzti. Packak “gymshack” estiloko motxila bat eta Txapeldunak edizio pertsonalizatuko eskumuturrekoa ere izango ditu.


Atezainen AC Campusa

Aste Santuko arrakasta handiaren ondoren, atezainen campus estreinatu berria udan ere izango da lau txandatan, ekainaren 24tik uztailaren 19ra, 2015 eta 2008 artean jaiotako atezainentzat.

Modalitate honetako parte-hartzaileek atezainen munduan erreferente den harrobi batean entrenatuko dute, hamarkadetan zehar munduko maila gorenera bertako atezainak proiektatzea lortu duen lan-metodologia bereizgarriarekin.

Entrenatzaile espezializatuak dituzten talde txikietan, atezainek bi entrenamendu-saio espezifiko egingo dituzte egunero, eta AC Campuseko gainerako jokalariekin talde-saioak burutuko dituzte, ikasitako guztia praktikan jartzeko.

AC Campus Inside

Era berean, Lezaman AC Campus Inside 24 orduko esperientzian parte hartzeko izen emateak ere ireki ditugu. Bertako parte hartzaileak Iribar Egoitzan biziko dira uztailaren 14tik 19ra bitartean, mantenu osoarekin. PLAZA MUGATUAK!

Aprobetxatu orain udako campuserako apirilaren 26ra arteko eskaintza berezia eta ospatu Lezaman lehoien Kopa AC Campus Txapeldunakekin.

Eta laster, AC Campus PRO, adin ezberdinetarako zuzenduta, karga tekniko handiagoarekin eta goi mailako errendimendura zuzendutako lan saioekin, denboraldi aurreari begira.