LETRAK ETA FUTBOLA

2009az geroztik, Letrak eta Futbola izeneko literatura-jaialdi txiki bat antolatzen du Athletic Club Fundazioak, Foru Liburutegiarekin elkarlanean.

ERLAZIONATUTAKO ODS-ak

Zenbait topagune antolatzen dira kultura-esparruko jendeak futbolaren eta literaturaren arteko loturaz jarduteko, zentzurik zabalenean: eleberriak eta iritzi-artikuluak, antzerkia, poesia, gidoia edota abestien hitzak. Eta aldi berean, irakurzaletasuna sustatzeko jarduerak antolatzen dira, hala nola argitalpen propioak kaleratzea edota Athletic Irakurketa Kluba ekimena. Haren bidez, edozein zaleek liburu bat gomenda diezaieke Athleticeko jokalariei, eta hortik abiatuta irakurketa-klubak sortzen dira.

Azken urteetan egile ezagunak bildu ditu jaialdiak, hala nola Juan Villoro, Eduardo Mendoza, Manuel Vilas, Enric González, Bill Buford, Miguel Angel Hernández, David Trueba, Manuel Jabois, Joan Tallón, Jorge Valdano, Philip Kerr, Bernardo Atxaga, Sergi Pàmies, Ignacio Martínez de Pisón, Simon Kuper, Josep Ramoneda, Jonathan Wilson, Laura Fernández, Miqui Otero, Belén Gopegui, Jordi Puntí, Kirmen Uribe, Ray Loriga, Hernán Casciari, Andrés Neuman, Amets Arzallus, Ander Izagirre, Martín Caparrós, Milena Busquets, Agustín Fernández-Mallo, Héctor Abad Faciolince, Eduardo Sacheri, David Goldblatt eta Philippe Claudel, eta urtetik urtera kulturaren eta kirolaren arteko batasunaren erreferentzia gisa finkatuz doa.

Informazio gehiago http://www.letrasyfutbol.com/

Previous
Next

ERLAZIONATUTAKO ODS-AK

  • Errealitate sozial ezberdinen gaineko sentsibilizazio eta kontzientziazioa sustatzen du, eta GIHen garrantzia azpimarratzen.
  • Kirolak jendartean duen garrantziaren gainean hezten du, eta kirolak gizakiengan duen eragina aztertzen.
  • Literaturaren eta futbolaren inpaktua uztartzen ditu, hezkuntza eta kultura sustatze aldera.
  • Emakumeek kirolari eta, bereziki, futbolari lotuta bizi dituzten errealitate sozialak irudikatzen ditu, eta horien gainean kontzientziatzen du.
  • Genero berdintasuna eta emakumeen ahalduntzea sustatzen ditu kirol arloan eta literaturan.
  • Emakumeen diskriminazioaren kontra borrokatzen da.
  • Literatura arloko sorkuntza eta berrikuntza sustatzen ditu.
  • Literaturaren industria bultzatzen du, inpaktu soziala duten gaiak jorratuz.
  • Jendartea osatzen duten talde guztien parte-hartzea sustatzen du.
  • Aukera-berdintasuna sustatzen eta bermatzen du, genero, aniztasun funtzional, nazionalitate eta abarren diskriminaziorik gabe.
  • Irakurzaletasuna sustatzen du irakurtzeko zailtasunak dituzten pertsonen artean.
  • Gizarteratzea, berdintasuna, errespetua, tolerantzia eta aniztasuna bultzatzen ditu, baita diskriminazioaren kontrako borroka ere.
  • Berdintasunez gizarteratzeko beharraren gainean kontzientziatzen du, baita jendarte baketsu, iraunkor eta bidezkoak eraikitzearen garrantziaren gainean ere.
  • Tokian tokiko ekintzak sustatzen ditu GIHak lortzera bidean.
  • Aliantzak sortzen ditu instituzio publikoekin eta hirugarren sektoreko zein sektore pribatuko beste erakunde batzuekin, baita herritarrekin ere, GIHei dagokienez ezarritako helburuak lortze aldera.
  • GIHen eta 2030 Agendaren gaineko ezagutza eta hezkuntza sustatzen du.

BESTE PROIEKTU BATZUK