Thinking Football Film Festival

Thinking Football Film Festival Athletic Club Fundazioak BBK Aretoaren laguntzarekin antolatzen duen zinema eta futbol jaialdia da. 2013an lehen aldiz ospatu zenetik, zinemaldia handituz joan da, eta munduko futbol- eta zinema-jaialdi garrantzitsuenetako bat bihurtu da.

ERLAZIONATUTAKO ODS-ak

Athletic Club Fundazioak futbol eta zine aste bat programatzen du urtero, Thinking Football Film Festival, non Fundazioaren kultur taldeak aukeratutako hamabi eta hogei film bitartean proiektatzen diren Bilboko BBK Aretoan. Jaialdian parte hartzeko aukeratu diren filmek istorio gizatiar eta sozialak kontatzen dituzte, modu batean edo bestean futbolaren munduarekin zerikusia dutenak.

Izan ere, azken mendean futbolaren inguruan sortu den fenomeno soziala eta globala ulertzeko gakoak eman nahi ditu, oro har, Futbol Thinking Football Film Festivalen programazioak.

Saio guztietan sarrera librea izaten da, eserleku kopurua bete arte, eta saio bakoitzaren ondoren eztabaida txiki bat sortzen da filmari buruz, eta zuzendariak edo protagonistaren batek hartzen du parte. Publikoak filma baloratzen du eta, jaialdia amaitzen denean, Thinking Football Film Festivaleko Publikoaren Saria ezagutarazten da, ikus-entzuleek gehien baloratu duten filma aintzatesteko. Jaialdia 2013an sortu zen, eta berehala bihurtu zen espezialitate horretako jaialdirik ospetsuenetako bat: giza eta gizarte-historiak, atzealdean futbolaren mundua dagoela.

Informazio gehiago http://www.thinkingfootballfilmfestival.com/

2021ean, jaialdia, pandemia dela eta, Thinking, Letrak eta Futbola 2021 bihurtu zen denboraldi batez. Informazio guztia hemen https://thinkingletrasyfutbol.com/eu/

ERLAZIONATUTAKO ODS-AK

Errealitate sozial ezberdinen gaineko sentsibilizazio eta kontzientziazioa sustatzen du, eta GIHen garrantzia azpimarratzen.
Kirolak jendartean duen garrantziaren gainean hezten du, eta kirolak gizakiengan duen eragina aztertzen.
Zinearen eta futbolaren inpaktua uztartzen ditu, hezkuntza eta kultura sustatze aldera.

Emakumeek kirolari eta, bereziki, futbolari lotuta bizi dituzten errealitate sozialak irudikatzen ditu, eta horien gainean kontzientziatzen du.
Genero berdintasuna eta emakumeen ahalduntzea sustatzen ditu kirol arloan eta zinean.
Emakumeen diskriminazioaren kontra borrokatzen da.

Ekintzailetza, berrikuntza eta sorkuntza babesten ditu.
Enplegu-sorkuntza bultzatzen du.

Berrikuntza eta sorkuntza sustatzen ditu zine arloan.
Zinearen industria bultzatzen du, inpaktu soziala duten gaiak jorratuz.

Jendartea osatzen duten talde guztien parte-hartzea sustatzen du.
Aukera-berdintasuna sustatzen eta bermatzen du, genero, aniztasun funtzional, nazionalitate eta abarren diskriminaziorik gabe.

Gizarteratzea, berdintasuna, errespetua, tolerantzia eta aniztasuna bultzatzen ditu, baita diskriminazioaren kontrako borroka ere.
Berdintasunez gizarteratzeko beharraren gainean kontzientziatzen du, baita jendarte baketsu, iraunkor eta bidezkoak eraikitzearen garrantziaren gainean ere.

Tokian tokiko ekintzak sustatzen ditu GIHak lortzera bidean.
Aliantzak sortzen ditu instituzio publikoekin eta hirugarren sektoreko zein sektore pribatuko beste erakunde batzuekin, baita herritarrekin ere, GIHei dagokienez ezarritako helburuak lortze aldera.
GIHen eta 2030 Agendaren gaineko ezagutza eta hezkuntza sustatzen du.

BESTE PROIEKTU BATZUK

ERLAZIONATUTAKO ODS-AK

BESTE PROIEKTU BATZUK

LETRAK ETA FUTBOLA

BERTSO DERBIA

AC Proiektua %100 Iraunkorra