Athletic Club Fundazioaren Haurren Babes Guneak Fundació per a l’Esport Balear fundazioak, Fundación Deporte Joven fundazioak eta Erandioko eta Trapagarango udalek antolatutako hainbat ekitalditan parte hartuko du
Aterpe programak jarduera frenetikoarekin hasi du urtea. Athletic Club Fundazioaren Haurren Babes Guneak Fundació per a l’Esport Balear fundazioak, Fundación Deporte Joven fundazioak eta Erandioko eta Trapagarango udalek antolatutako hainbat ekitalditan parte hartuko du hurrengo bi asteetan.
Zehazki, Fundazioak Fundació per a l’Esport Balear fundazioarekin duen lankidetzari esker, Aterpe Programaren arduradun Iñaki Alonso Centre de Tecnificació Esportiva de les Illes Balears zentrora joango da otsailaren 1ean eta 2an. Bertan, kirol-arloko profesionalei bideratutako haurren babeserako prestakuntza-ikastaroetan parte hartuko du.
Horrez gain, Kirol Kontseilu Goreneko Fundación Deporte Joven fundazioak Iñaki Alonso bera aukeratu du, aditu gisa, RTVErentzat haurrak babesteari buruzko erreportaje bat grabatzeko, urtarrilaren 25ean, asteartean.
Azkenik, Fundazioaren Udalen Programan, Erandioko eta Trapagarango udalerriek hainbat ekitaldi antolatuko dituzte urtarrilaren 26an eta otsailaren 10ean, hurrenez hurren. Ekitaldi horiek kirolean haurrak babestearekin lotuta egongo dira, eta Fundazioko eta Aterpe Programako ordezkariek parte hartuko dute. Lehenengoan, Erandioko Udalak Erandio Kirolak zerbitzuaren Plan Estrategikoa aurkeztuko du Altzaga kiroldegian, 17:30ean.
