Ahalegina - Athletic Club Fundazioa

Ahalegina

Desgaitasun intelektuala duten neska-mutilei zuzendutako Ahalegina proiektuak kirol-anitzeko entrenamendurako eta psikomotrizitatea hobetzeko jardunaldiak biltzen ditu.

ERLAZIONATUTAKO GIH

12 eta 18 urte bitarteko neska-mutilek hartzen dute parte doako jarduera horretan. Desgaitasun intelektuala duten Bizkaiko elkarteetako profesionalen eta Athletic Clubeko boluntarioen zuzendaritzapean jarduten dute Bilbao Kirolak erakundeak lagatako instalazioetan. Helburua: erabiltzaileen psikomotrizitatea hobetzea eta egunerokoan baliagarriak izango dituzten trebetasunak (higienea, konpromisoa, ahalegina…) eskuratzen laguntzea.

Denboraldian zehar, esfortzu-jarduerak egiten dituzte, besteak beste, Athletic Clubeko jokalariekin, bai eta San Mameserako bisitak ere. Ekainean amaierako jaia egiten da eta urte osoan egindako lana aitortzen duen diploma edo saria jasotzen dute umeek. 2012an abian jarri zenetik hona, berrogeita hamar neska-mutilek hartu dute parte Ahalegina programan.

Previous slide

Next slide

ERLAZIONATUTAKO GIH

Gorputz-jarduera eta ohitura osasungarriak sustatzen ditu, trebetasun psikomotorra hobetze aldera.
Gaixotasunak eta osasunerako kaltegarriak diren jokabideak saihesten ditu.
Pertsonen arteko harremanak eta familia barnekoak hobetzen dira.
Autoestimua, norberaren gaineko konfiantza, ahalduntzea eta independentzia handitzen ditu
Oreka emozionala, kontzentrazioa, frustrazioaren kudeaketa eta ardurak hartzeko gaitasuna hobetzen ditu.
Hobetzeko grina, motibazioa eta erresilientzia sustatzen ditu.

Aukera-berdintasuna sustatzen du, eta emakumeek kirolean parte hartzeko bidea bultzatzen.
Genero berdintasuna ikusgai bilakatzen du, eta haren gainean kontzientziatu eta sentsibilizatzen du jendartea.

Arlo pertsonalean garatzeko, gizarteratzeko eta enplegu produktiboa lortzeko beharrezkoa den baldintza-berdintasuna bermatzen du.
Kirolean eta aisialdian berdintasunez parte hartzeko eskubidea bermatzen du.
Jendartea osatzen duten talde guztien parte-hartzea sustatzen du.

Kirol-jarduera eta -txapelketetan parte hartzeko aukera ematen die aniztasun funtzionala duten pertsonei.
Garapen soziala bultzatzen du, eta aniztasun funtzionala duten pertsonen inguruan dauden estereotipoak hobetzen ditu.
Aniztasun funtzionala ikusgai bilakatzen du eta haren gainean sentsibilizatzen du jendartea, diskriminazioa murrizte aldera.

BESTE PROIEKTU BATZUK

ERLAZIONATUTAKO GIH

BESTE PROIEKTU BATZUK

AHALEGINA KOPA

GARUN-PARALISIKO FUTBOLA

GENUINE