IMQ AMSA

2021etik aurrera, Fundazioak IMQ Amsa Eguneko Ospitaleak garatzen duen programa terapeutiko batean lagunduko du. Horren bidez, osasun mentaleko arazoak dituzten pazienteak artatzen dira. Fundazioko teknikariek kirol entrenamenduko saioak zuzenduko dituzte. Elikadura eta patologia dualaren arloko nahasteak dituzten pertsonei zuzenduta daude, zehazki.

ERLAZIONATUTAKO GIH

 

IMQ Amsa Eguneko Ospitalea Bilbon zerbitzu psikiatriko eta psikologikoak eskaintzen dituen komunitate terapeutikoa da. Diziplina anitzeko lan-talde batek burutzen duen prozesu terapeutiko horrek ikuspegi-bio-psiko-soziala dauka, tratamendu farmakologiko, psikologiko eta sozialetan oinarrituta. Athletic Club Fundazioak asteroko entrenamendu-saioak eskainiz parte hartzen du IMQ Amsa proiektuan. 5 taldetan banatu dira erabiltzaileak, eta elikadura eta patologia dualaren inguruko nahasteak dituzten pertsonak dira denak.

Proiektuaren helburu nagusia IMQ Amsa Ospitalera doazen pertsonen gizarteratzea da. Lankidetza-eredu honen bidez, Fundazioak bere ekarpena egiten du pazienteak beren lan terapeutikoaren protagonista izan daitezen. Horretarako, elementu motibatzaile garrantzitsuak aktibatzen saiatzen da, hala nola sozializazioa eta talde-jardueretan parte hartzea. IMQ Amsa Eguneko Ospitalea osasun mentaleko arazoren bat duten pertsonei zuzenduta dago. Batzuetan, kanpo kontsultak ez dira nahikoak izaten, eta pertsona batzuek tratamendu intentsiboagoa behar dute. Horrek, gainera, aukera ematen die beren bizi-inguruarekin konektatuta jarraitzeko.

ERLAZIONATUTAKO GIH

  • Gorputz-jarduera eta ohitura osasungarriak sustatzen ditu.
  • Gaixotasunak eta osasunerako kaltegarriak diren jokabideak saihesten ditu.
  • Nahasmenduaren zenbait sintoma eta alderdi hobetu ditzake.
  • Pertsonen arteko harremanak hobetzen ditu.
  • Autoestimua, norberaren gaineko konfiantza, ahalduntzea eta independentzia handitzen ditu.
  • Oreka emozionala, kontzentrazioa, frustrazioaren kudeaketa eta ardurak hartzeko gaitasuna hobetzen ditu.
  • Hobetzeko grina, motibazioa eta erresilientzia sustatzen ditu.
  • Kirol-jardueretan parte hartzeko aukerak eskaintzen dizkie osasun mentalari lotutako nahasmenduak dituzten pertsonei.
  • Garapen soziala sustatzen du, eta nahasmendu mentalak dituzten pertsonen inguruan dauden pertzepzio eta estigmak hobetzen ditu.
  • Osasun mentala ikusgai bilakatzen du eta haren gainean sentsibilizatzen du jendartea, diskriminazioa murrizte aldera.

BESTE PROIEKTU BATZUK

AHALEGINA KOPA

>> IRAKURRI GEHIAGO

AC Proiektua %100 Iraunkorra

>> IRAKURRI GEHIAGO

CO2 KONPENTSAZIOA

>> IRAKURRI GEHIAGO

Fundación Athletic Club Fundazioa
Mazarredo 23, 48009 Bilbao
Tlf: +34 94 661 20 04
info@fundacionathleticclub.eus