Planak bi atal ditu, eliteko kirolak eta pazienteak partekatzen dituzten balioetan oinarrituta: esfortzua, fedea, taldearekiko konfiantza… Horretarako bereziki diseinatutako pertsonaietan islatzen dira balio horiek guztiak. Pertsonaia horiek pediatriako espazioak dekoratzen dituzte, Athletic Club Fundazioak egin eta ordaindutako diseinuei esker. Orobat, itsasgarriak banatzen dira pediatria-sailean eta adingabeen tratamenduan parte hartzen duten Bizkaiko osasun-zentro guztietan, «txapelduna» lemarekin, pazienteen jarrera saritzeko. Era berean, Gurutzetako unibertsitate-ospitalean dauden neska-mutilei Athletic Clubeko gizonezkoen eta emakumezkoen taldeetako kapitainek sinatutako diploma ematen zaie, tratamenduan erakutsi duten ausardia saritzeko.