BIZKAIA KOOPERA: VILLAGOL & ATHLETIC VILLA

 

Perun garatutako proiektua, Bizkaiko Foru Aldundiarekin eta Villa El Salvadorreko Kirol eta Garapen Elkartearekin lankidetzan.

ERLAZIONATUTAKO GIH

Athletic Club Fundazioa izan da Bizkaiko Foru Aldundiak aukeratutako erakundeetako bat, Bizkaia Koopera izeneko programaren bitartez garapen iraunkorreko helburuak zabaltzen laguntzeko. Helburu horiek giza eskubide (eskubide politiko, zibil, ekonomiko, sozial eta kultural) unibertsalen defentsan eta emakumeen ahalduntzean oinarritzen dira. Zehazki, Perun kokatutako bi proiektu solidario (VILLAGOL eta ATHLETIC VILLA, bigarrena emakumeentzat bereziki) garatzeko konpromisoa hartu du Athletic Club Fundazioak. Proiektuok Lima hiriko Villa El Salvadorreko «giza kokagunean» kokatuta daude eta ADDVES elkarteak (Villa El Salvadorreko kirolaren eta garapenaren aldeko elkartea) sustatzen ditu lekutik bertatik. Izan ere, 2006. urteaz geroztik, Barakaldoko kirolaren eta garapenaren aldeko elkartea (DEPYDES) Peruko elkartearekin eskuz esku aritzen da, kirol jardueraren bidez giza garapena sustatu nahi duten proiektuak jorratzen. Indarkeriaren menpe dagoen Limako udalerria da Villa El Salvador; izan ere, ohikoa da adingabeek egunerokoan su-armak eskura edukitzea. Kaleko taldeetan sartzen direnean ikastetxetik urrundu eta droga-mundura hurbiltzen dira (oinarrizko orea erretzen dute), eta delinkuentzia arruntaren munduan (lapurretak…) murgildu.

3.000 erabiltzaile baino gehiago dituen talde bati zuzendutako proiektuak dira, hezkuntza-prestakuntza eskaini, gizarteratzea sustatu eta arrisku-portaerak prebenitzeko asmoz.

Previous
Next

ERLAZIONATUTAKO GIH

  • Indarkeria-testuinguruetan bizi diren pertsonen gizarteratzea sustatzen du.
  • Pobreziaren-ziklotik ihes egiteko gaitasunak eskaintzen ditu.
  • Etorkizunean gizarteratzea eta laneratzea ahalbidetzeko gaitasun sozial, pertsonal eta hezigarriak eskaintzen dizkie parte-hartzaileei.
  • Gorputz-jarduera eta ohitura osasungarriak sustatzen ditu.
  • Gaixotasunak eta osasunerako kaltegarriak diren jokabideak saihesten ditu.
  • Pertsonen arteko harremanak hobetzen ditu.
  • Autoestimua, norberaren gaineko konfiantza, ahalduntzea eta independentzia handitzen ditu.
  • Oreka emozionala, kontzentrazioa, frustrazioaren kudeaketa eta ardurak hartzeko gaitasuna hobetzen ditu.
  • Hobetzeko grina, motibazioa eta erresilientzia sustatzen ditu.
  • Balio hezigarriak transmititzen ditu, hala nola errespetua, lankidetza, elkartasuna, tolerantzia, berdintasuna, erantzukizuna, konpromisoa, etab.
  • Kalitatezko hezkuntza-aukerak eskaintzen ditu.
  • Eskola-absentismoa saihesten du, eta errendimendu akademikoa hobetzen.
  • Emakumeen kontrako indarkeriaren, diskriminazioaren eta desberdintasunen aurka borrokatzen da.
  • Ahizpatasun- eta elkartasun-espazioak sortzen ditu.
  • Aukera-berdintasuna sustatzen du, eta emakumeek kirolean parte hartzeko bidea bultzatzen.
  • Emakumeek baliabide ekonomiko eta hezigarrietara iristeko duten eskubidea bultzatzen du.
  • Genero berdintasuna ikusgai bilakatzen du, eta haren gainean kontzientziatu eta sentsibilizatzen du jendartea, bereziki kirol arloari dagokionez.
  • Emakumezko kirol-erreferenteak eskaintzen ditu.
  • Lan-merkatuan dauden eskakizunei egokitzeko gaitasunak ematen dizkie emakumeei.
  • Enplegura iristeko, lan duina lortzeko eta ekintzaile izateko beharrezkoak diren gaitasunak (prestakuntza, gaitasun tekniko eta profesionalak) dituzten emakumeen kopurua handitzen du.
  • Arlo pertsonalean garatzeko, gizarteratzeko eta enplegu produktiboa lortzeko beharrezkoa den baldintza-berdintasuna bermatzen du.
  • Kirolean eta aisialdian berdintasunez parte hartzeko eskubidea bermatzen du.
  • Jendartea osatzen duten talde guztien parte-hartzea sustatzen du.
  • Kirol-jarduera eta -txapelketetan parte hartzeko aukera ematen die gizarte-bazterkeria jasateko arriskuan dauden pertsonei.
  • Jendarte bidezko, tolerante, seguru eta parte-hartzailea eraikitzeko aukerak sustatzen ditu.
  • Elkarbizitza eta kirolerako espazio publikoak berreskuratzen ditu, elkarrizketa eta adostasuna bultzatuz.
  • Haur eta gazteen kontrako indarkeriaren eta diskriminazioaren aurka borrokatzen da.
  • Gizarteratzea, berdintasuna, tolerantzia eta talde-lana sustatzen ditu.
  • Aukerak eta tresnak eskaintzen dizkie gizarte-bazterkeria jasateko arriskuan dauden pertsonei.

BESTE PROIEKTU BATZUK