Akordioaren helburua haur eta nerabe guztiek etorkizunerako aukera berdinak izatea da, jaiotza-baldintzak kontuan hartu gabe
Juan Carlos Ercoreca Athletic Club Fundazioko presidenteak eta Ernesto Gasco Haurren Pobreziaren aurkako goi mandatariak sinatu berri dute Fundazioa Haurren Pobrezia Herrialdea Aliantzarekin bat egiteko hitzarmena. Ercorecak Aitor Elizegi Athletic Clubeko presidentea eta Jon Vazquez Eguskiza Fundazioko zuzendari nagusia izan ditu lagun sinadura ekitaldian. Aliantzak, Espainiako Gobernua buru duen proiektuak, haur-pobreziaren zirkulua haustea du helburu, Estatuan 2.365.000 umeri eragiten dien drama. Akordio horren bidez, Athletic Club Fundazioak honako hau onartzen du: “Haurren pobreziaren askotariko dimentsioei heldu ahal izateko (hezkuntza, nutrizio, zaintza, etxebizitza edo eten digitalari), ezinbestekoa da eragile guztien lankidetza, haur ahulen beharrak kontuan hartuko dituzten estrategia eraginkorren bidez”.
Lankidetza-hitzarmen honek bat egiten du Athletic Club Fundazioak egoera ahulean dauden adingabeen alde modu estrategikoan garatzen dituen beste ekimen batzuekin. Besteak beste proiektu hauekin: Bakuva, Berriztu, Bizgarri, Ahalegina, Save The Children, Zabaloetxe, Bizkaia Koopera eta Serso Honduras.
Gainera, Athletic Clubaren Aterpe Programa LaLigako proiektu aitzindaria da, eta haurtzaroa kirol-munduan modu integralean babestea du helburu. Horrela, klubaren barruan Haurrak Babesteko arduradunaren figura oinarri hartuta, Aterpe Programak lan sistematikorako oinarriak ezartzen ditu. Lan sistematiko horretan, prebentzio- eta prestakuntza-elementuak eta jarduketa-protokoloak sartzen dira, eta horien helburu bakarra erakundeko haur guztien ongizatea da.
#RompeElCírculo kanpaina
Halaber, haurren Pobreziaren aurkako Goi Komisarioak kanpaina bat aurkeztu zuen hainbat plataforma instituzionaletan #RompeElCírculo hastag-arekin. Kanpainaren helburua herritarrak haur-pobreziaren aurrean inplikatzea eta sentsibilizatzea zen, eta hainbat musikariren laguntza izan zuen: Alejandro Sanz, Pau Gasol eta Saul Craviotto bezalako kirolariak, Paz Vega, María Esteve eta Natalia Verbeke aktoreak eta Vicente del Bosque Espainiako hautatzaile ohia.
